Dialog Finance වෙතින් ලබාදෙන Flexipay

Flexipay යනු කුමක්ද?

Flexipay by Dialog Finance යනු කැමති දේවල් හිතේ හැටියට මිලදීගන්න පහසු කරවන පහසු ගෙවීමේ සේවාවකි. ඔබේ Dialog Finance Debit කාඩ්පත සමඟ කරන ගනුදෙනු ක්ෂණිකව මාස 3ක් හෝ 6ක් වැනි පහසු වාරික සැලසුම් බවට පත් කරගෙන, මුළු ගෙවීමම genie app එක හරහා වාරිකවලට බෙදා ගැනීමට දැන් ඔබට පුළුවන්. මේ වාසිය Dialog Finance Debit කාඩ්පතක් සහිත SMART ඉතුරුම් ගිණුම් හිමියන්ට පමණයි.

Flexipay භාවිත කිරීමට සුදුසුකම් ඇත්තේ කාටද?

නිතිපතා මුදල් තැන්පත් කරමින්, ක්‍රියාකාරීව SMART ගිණුම භාවිත කරන සහ Dialog Finance debit කාඩ්පතෙන් නිතර ගනුදෙනු කරන පාරිභෝගිකයින්ට Flexipay පහසුකම ලබාගන්න පුළුවන්. ඔබට දැනටමත් Quick Loan හෝ LesiPay තිබේ නම්, Flexipay සඳහා සුදුසුකම් ලැබීමට පෙර එම ණය පියවිය යුතු බව කරුණාවෙන් සලකන්න.

Flexipay සඳහා අයදුම් කරන්නේ කෙසේද?

ඔබ Flexipay සඳහා සුදුසුකම් ලබා ඇත්නම්,

Genie app එකට log වෙන්න.
Home screen එකේ ඇති “Flexipay” icon එක තෝරන්න.
ඔබට වාරික සැලැස්මක් බවට පත් කිරීමට අවශ්‍ය ගනුදෙනුව තෝරන්න.
විස්තර පරීක්ෂා කර වාරික සැලැස්ම තහවුරු කරන්න.

SMART ගිණුමක් තිබුණත් Dialog Finance Debit කාඩ්පතක් නැත්නම්, Flexipay සඳහා අයදුම් කළ හැකිද?

පියවර 01: genie app එක හරහා ඔබේ Dialog Finance Debit කාඩ්පත සඳහා අයදුම් කර, කාඩ්පත ලැබුණු පසු එය activate කරගන්න.
පියවර 02: ඔබේ Dialog Finance Debit කාඩ්පත භාවිත කර ගනුදෙනු කළ පසු, ඔබට වාරික සැලැස්මක් බවට පත්කළ හැකි ගනුදෙනු පෙන්වනු ඇත.
පියවර 03: ඔබට වාරික සැලැස්මක් බවට පත්කිරීමට අවශ්‍ය Dialog Finance Debit කාඩ්පතේ ගනුදෙනුව තෝරන්න. සුදුසුකම් ලැබීමට, ඔබ ඔබේ ඉතුරුම් ගිණුමේ සැළකිය හැකි මුදලක් තබා ගත යුතු අතර, නිතර මුදල් තැන්පත් කරමින් SMART ගිණුම ක්‍රියාකාරීව පවත්වා ගත යුතුය. මේ සඳහා පාරිභෝගික ඔබේ සුදුසුකම් තීරණය කිරීමේ අයිතිය Dialog Finance සතුයි.

SMART ඉතුරුම් ගිණුම් හිමියෙක් නොවී, Dialog Finance Debit කාඩ්පතක්ද නැත්නම්, Flexipay සඳහා අයදුම් කළ හැකිද?

පියවර 01: genie app එක download කරගන්න. කිසිම ලියකියවිල්ලකින් තොරව app එක හරහාම online SMART ගිණුමක් විවෘත කිරීමට "Savings" icon එක මත click කරන්න.
පියවර 02: SMART ඉතුරුම් ගිණුමක් සඳහා අයදුම් කිරීමෙන් පසු, ඔබේ Dialog Finance Debit කාඩ්පත සඳහාද අයදුම් කරන්න. කාඩ්පත ලැබුණු පසු එය activate කරන්න.
පියවර 03: මෙම සේවාව සඳහා සුදුසුකම් ලැබීමට, ඔබේ debit කාඩ්පත නිතිපතා භාවිත කරන්න, හොඳ ඉතුරුම් ශේෂයක් පවත්වා ගන්න සහ නිතර මුදල් තැන්පත් කර ගිණුම ක්‍රියාකාරීව පවත්වා ගන්න. මෙම කොන්දේසි මත පදනම්ව පාරිභෝගිකයාගේ සුදුසුකම් තීරණය කිරීමේ අයිතිය Dialog Finance සතුයි.
පියවර 04: ඔබේ Dialog Finance debit කාඩ්පත භාවිත කර ගනුදෙනු කළ පසු, ඔබට වාරික සැලැස්මක් බවට පත් කළ හැකි ගනුදෙනු පෙන්වනු ඇත.
පියවර 05: ඔබට වාරික සැලැස්මක් බවට පත් කිරීමට අවශ්‍ය Dialog Finance debit කාඩපතේ ගනුදෙනුව තෝරන්න.

Flexipay සඳහා අයදුම් කිරීමට ලියකියවිලි අවශ්‍යද?

SMART ගිණුම් හිමියන්ට කිසිදු අමතර ලියකියවිල්ලක් අවශ්‍ය නොවේ. නව පාරිභෝගිකයන්ට SMART ගිණුමක් විවෘත කිරීමට සිදුවේ.

මට මුළු ගනුදෙනු වටිනාකම ම වාරික සැලැස්මක් ලෙස එකවර ලබා ගත හැකිද?

ඔබේ ඉතිරි ණය සීමාව ඇතුළත නම්, ඔබට මුළු ගනුදෙනු වටිනාකම ම වාරික සැලැස්මක් ලෙස ලබාගත හැකියි.

මගේ මාසික වාරික ගෙවීමේ දිනය වෙනස් කළ හැකිද?

නැහැ, දැනට ඔබේ Flexipay මාසික වාරික ගෙවීමේ දිනය වෙනස් කිරීමට හැකියාවක් නැත.

මගේ ණය සීමාව තීරණය කරන්නේ කෙසේද?

ඔබේ ණය සීමාව තීරණය කරන්නේ ඔබේ SMART ඉතුරුම් ගිණුමේ ක්‍රියාකාරීත්වය මතයි.

මගේ Dialog Finance Debit කාඩ්පත සමඟ කරන ඕනෑම ගනුදෙනුවක් සඳහා Flexipay භාවිත කළ හැකිද?

ගනුදෙනු මුදල රු. 5,000 ට වැඩි නම් සහ ගනුදෙනුව පසුගිය දින 30 ඇතුළත සිදු කර ඇත්නම්, ඔබේ Dialog Finance Debit කාඩ්පතෙන් කරන ගනුදෙනු සඳහා Flexipay භාවිත කළ හැකියි. කෙසේ වෙතත්, telco සහ utility ගෙවීම් සහ ATM withdrawal කිරීමට හැකියාවක් නැහැ. ඔබට කළහැකි ගනුදෙනු "Eligible Transactions" වෙත ගොස් පරීක්ෂා කළ හැකිය.

Flexipay සඳහා අදාළ ගාස්තු මොනවාද?

Flexipay සඳහා ගාස්තු දෙකක් ඇත:

Processing Fee: මෙය ඔබේ ගනුදෙනුවල වටිනාකම මත පදනම් වූ කුඩා සේවා ගාස්තුවකි (ගනුදෙනු වටිනාකමෙන් 5%). එය වාරික සැලැස්මට හැරවීමේදී අඩු කරනු ලබන අතර ඉතිරි මුදල ඔබේ SMART ගිණුමට බැර කෙරේ.
Interest Fee: ඔබට ඔබේ වාර්ෂික පොලී අනුපාතය genie app එකෙන් බලා ගත හැකිය.

මගේ වාරික සැලසුමේ විස්තර බලන්නේ කෙසේද?

Genie app එකේ Flexipay යටතේ ඇති "Installments in Progress" section එකෙන් ඔබට ඔබේ සියලු වාරික සැලසුම් විස්තර බැලිය හැකියි.

මම මගේ වාරික ගෙවන්නේ කෙසේද?

ඔබේ SMART ගිණුමෙන් ස්වයංක්‍රීයව (auto-recovery process) අදාළ වාරික මුදල අඩු කරගනු ලැබේ.

Flexipay සඳහා ගෙවීමේ කාල සීමාව කොපමණද?

Flexipay මාස 3 හෝ 6 යන පහසු ගෙවීමේ කාලසීමාවක් ලබා දෙයි.

මම ප්‍රමාද වී වාරිකයක් ගෙවුවොත් කුමක් සිදුවේද?

ප්‍රමාද වී ගෙවන වාරික සඳහා 3%ක ප්‍රමාද ගෙවීම් ගාස්තුවක් ගෙවිය යුතුයි.

නියමිත දිනට පෙර මගේ වාරික සැලැස්ම පියවිය හැකිද?

ඔව්, ඔබට වාරික සැලැස්ම කලින් පියවිය හැකිය. කෙසේ වෙතත්, නොගෙවූ මුළු මුදලින් 1.5%ක මූලික පියවීමේ ගාස්තුවක් අය කරනු ලැබේ.

එකකට වඩා වාරික සැලසුම් සඳහා අයදුම් කළ හැකිද?

ඔව්, ඔබට ගනුදෙනු කිහිපයක් සඳහා, වෙන වෙනම වාරික සැලසුම් කිහිපයක් ලබාගන්න පුළුවන්. ඔබ සිදු කරන සෑම ගනුදෙනුවක්ම, එයට අදාළව වෙනම වාරික සැලසුමක් ලෙස සකස් කළ හැකියි. මෙහිදී වැදගත් වන්නේ, ඔබ ලබාගන්නා සියලුම වාරික සැලසුම්වල එකතුව, ඔබට හිමි ණය සීමාව (Eligible Limit) තුළ පැවතීමයි.

මට එකම නියමිත දිනයකදී වාරික සැලසුම් කිහිපයක් ගෙවීමට තිබේ නම්, මගේ SMART ඉතුරුම් ගිණුමෙන් මාසික වාරිකය අය කරන්නේ කොහොමද?

ඔබ එකවර වාරික සැලසුම් කිහිපයකට ගෙවීම් කළහොත්, ඔබේ SMART ගිණුමෙන් මුදල් අඩු වන්නේ ඔබ එම සැලසුම් ලබාගත් අනුපිළිවෙලටයි.

Flexipay customer support සම්බන්ධ කර ගන්නේ කෙසේද?

ඔබට කිසියම් ප්‍රශ්නයක් හෝ සහයක් අවශ්‍ය නම්, අපගේ live chat, phone support, හෝ අපගේ වෙබ් අඩවිය හරහා පාරිභෝගික සහාය කණ්ඩායම අමතන්න.

Flexipay භාවිත කිරීමේ ප්‍රතිලාභ මොනවාද?

ගනුදෙනුවේ සම්පූර්ණ මුදලම ක්ෂණිකව වාරික බවට පත්කිරීමේ හැකියාව.
මාස 3ක් හෝ 6ක් ලෙස තෝරාගත හැකි පහසු ගෙවීමේ ක්‍රම.
ඉතුරුම් ගිණුමේ ක්‍රියාකාරීත්වය මත පදනම්ව, පෙර-අනුමත වූ ණය සීමාවක් හිමිවීම.
කිසිදු අමතර ලිපි ලේඛනයක් අවශ්‍ය නොවීම.

Flexipay සඳහා මාසයක් යනු කුමක්ද?

Flexipay සඳහා මාසයක් යනු, ඔබ වාරික සැලසුම ලබාගත් දිනයේ සිට ගණනය කෙරෙන දින 30ක කාල සීමාවකි. මෙය දින දර්ශනයේ ඇති සාමාන්‍ය කැලැන්ඩර් මාසයක් (උදා: ජනවාරි 1 සිට 31 දක්වා) නොවන බව කරුණාවෙන් සලකන්න.
<br. උදාහරණයක් ලෙස: පාරිභෝගිකයෙකු ජනවාරි මස 5 වන දින, මාස 3ක වාරික සැලසුමක් ලබාගතහොත්, ගෙවීම් නියමිත වන්නේ මෙසේය:

පළමු වාරිකය: පෙබරවාරි 4 වන දින
දෙවන වාරිකය: මාර්තු 5 වන දින
අවසන් වාරිකය: අප්‍රේල් 4 වන දින

ප්‍රමාද වී ගෙවීම් කළහොත් ඒ සඳහා දෛනික දඩ පොලිය ගණනය කරන්නේ කෙසේද?

ගෙවීම ප්‍රමාද වූ දින ගණනට දඩ පොළිය අය කෙරේ.

උදාහරණයක් ලෙස: ජුනි 2 වන දා ගෙවීමට තිබූ වාරිකයක්, ජුනි 4 වන දා ගෙවුවහොත්, දින දෙකක දඩ පොළියක් අය වේ. සති අන්ත සහ නිවාඩු දිනද මේ සඳහා ගණනය කෙරේ.